சுற்றிலும் வல்லூறுகள்
இந்த வாழ்க்கை வளையத்துக்குள் நீ மட்டும்
போர்க்களத்தில் நீ
தனியாய்
ஒரு மாய வலைக்குள்
உன்னை எனக்கு தெரியும்
உன் வீரம் எனக்கு தெரியும்
உன்னை விட்டு என்னை போகச் சொல்லும்
உன் தன்னம்பிக்கை
எனக்கு பிடிக்கிறது
ஆனாலும் என் காதல்
உன்னை விட்டு செல்ல மறுக்கிறது
உன் வாள் சுழற்றும் வேகம்
உன் உடல் காக்கும் கவசம்
அனைத்தும் என்னை
பிரம்மிக்க வைக்கிறது
இருந்தும் என் கால்கள்
நகர மறுக்கிறது
உன் உடலில்
ஒரு கீறல் விழுந்தாலும்
நான் மரித்துப் போவேன்
நினைவில் கொள்
இங்கேயேதான் இருக்கின்றேன்
உன்னை பார்த்துக் கொண்டே இருக்கின்றேன்
வேண்டாம் என்று சொல்லும்
தன்னம்பிக்கை உன்னுள் இருந்தாலும்
என் எண்ணம்
உன் வாள் சுழற்சியின் வேகம் கூட்டும்
என் பாசம்
உனக்காக மற்றுமொரு அரண் அமைக்கும்
ஒரே ஒரு பார்வை போதும்
உன் தன்மானத்தை தொடாமல்
உன்னை காத்திடுவேன்
நீ என் காதலி
நீ ஒரு பெண்
நீ ஒரு மனிதப் பிறவி....
இங்கேயேதான் இருக்கின்றேன்
காலம் முழுதும்
இருப்பேன்...
நீ இளைப்பாற
உன் வெற்றியை கொண்டாட
உன்னை தாங்கிக் கொள்ள...
என் அன்பே
No comments:
Post a Comment