மலரத் துடிக்கும் மொட்டுக்களாய்

ஒரு இதழ் விரிகிறது
மொட்டுக்கள் அத்தனையும்
மலர்ந்துவிட தவிக்கின்றன
எங்கென்று தேடுகிறேன்
முத்தங்களால் தவிக்கின்றேன்
வெட்கப்பட்டு மறைகின்றன
தொட்டவுடன் காணாமல் கரைந்து போகும் பட்டாம்பூச்சியாய்
தொடும் முன்னே சுருக்கிக் கொள்ளும் தொட்டாஞ் சிணுங்கியாய்
ஆனால் தீண்டலுக்கு தவித்து
மலரத் துடிக்கும் மொட்டுக்களாய்

அங்கொன்றும் இங்கொன்றுமாய் மலர்ந்திருக்கிறாய்
மொத்தமாய் மலரும்போது நான் என்னாவேனோ
முகம் மூடும் விரல்களை நீக்கிப் பார்க்கிறேன்
அத்தனையும் காதலாய் காத்திருக்கிறாய்
ஒரு ஆசை முத்தமிட்டுக் கொள்கின்றேன்